تسمح تولعني

تسمح تولعني
بعد ثورة الياسمين وانتحار الشاب التونسي بوعزيزي ورحيل بن علي من تونس
واندلع الثورات في كل الوطن العربي وتزايد حالات الانتحار وبالذات في مصر
بيخرج علينا القسيس والشيخ ويقول ان الانتحار حرام ياصلاة النبي حضرتك جبت جديد
كلنا عرفين انه حرام بدل ما تقول انه حرام ليه متقولش علي الي شيفةعيني عينك
الفساد والرشوة والظلم وكفايه كده لتتعبو............
لازم نسأل نفسنا سؤال بعد كل ده ....ايه سبب ده كله؟
الي بينتحر قبل ما يروح مبيفكرش انه حرام ولا حلال بيبص انه زهق من حياته وبشوف نفسه قليل قوي وملهوش كرامه ومش عوز حاجه من الدنيا تاني .
وبرده بيخرج السيد ابو الغيط ويقول ان الثورة في تونس مش ممكن تنتقل لمصر ويقول
بثقة (ده كلام فارغ ) باين عليه مش عايش في مصر ولو كان عايش يبقي من الطبقه
المحروسه .
والله الناس تعبت من الي هما فيه وكل واحد يقول علي محاولة انتحار انه( مريض نفسي)
ياسلام علي التحليل زيه زي الحرايق ماس كهربي بحب المسؤلين في الكذب علي الناس
بس التكرار بيعلم ...كمل انتي بقا .
انا بقول مش سهل تحريك الشعب المصري بسهوله الشعب ده صبور جدا وبيرضي بقليله بس انا مش عاوز ثورة لان ثورة يعني تخريب مصالح ويعني ارهاب
وممكن يوصل زي لبنان وعاوز اصلاح وده مش سهل ده عاوز سنين طويله وحلني بقا
احنا مطلبنا مش كتيرة وزي ماقلت قبل كده شعب بيرضي بقليله وبعض المطالب هي
زياده الحد الاني للاجور بسبب لغاية دلوقتي ناس بتقبض 100 جنيه ده يكفي ايه ولا
ايه ,فرص عمل للشباب وزيادة الاستثمار في البلد , ويريت بلاش روتين , كمان
تحديد مدة تولي رئيس الجمهوريه الحكم وبلاش ثوريث, ويريت بلاش قانون الطوارء وحرمت المنازل لان حكم الاستئذان مطلوب ,وياريت مفيش تزوير ومكان لمحاربة الفساد ويكون قضاء عادل .
دي مطالب اي مصري واي واحد عاوز يعيش في سلام وامان احنا مطلبناش غير كده
لان ده ابسط حقوق الحياه احنا شعب طيب ومبيحبش المشاكل و الانقلابات استخدام العنف
لو تحقق شوية المطالب دول يبقي احسن ومفيش مشاكل لان الباقي سهل .
اما بقي لم يتم تحقيق المطالب يبقي لا حياة لمن تنادي
وبعدين كل واحد يمشي بجركن بنزيم ويقول تسمح تولعني ..........وتبقي كارثه


بـقـلــــــم
أ/ محمود جابر

أكرمك ربي وزادك بصراً وبصيرة